கே.வி.ஆனந்தின் ‘கோ’ படத்தில் சிம்பு... வைரலாகும் புகைப்படங்கள்
கொரோனா பாதிப்பு காரணமாக காலமான இயக்குனர் கே.வி.ஆனந்தின் ‘கோ’ படத்தில் சிம்பு நடித்த புகைப்படங்கள் சமூக வலைத்தளத்தில் வைரலாகி வருகிறது.
கொரோனா பாதிப்பு காரணமாக பிரபல இயக்குனர் கே.வி.ஆனந்த் சமீபத்தில் காலமானார். இவர் இயக்கிய திரைப்படங்களில் ஒன்று ’கோ’. ஜீவா, கார்த்திகா நடித்த இந்த திரைப்படம் மிகப்பெரிய அளவில் வெற்றி பெற்றது.
இந்த திரைப்படத்தில் முதலில் சிம்பு நடிப்பதாக ஒப்பந்தம் செய்யப்பட்டு ஒருசில காட்சிகளும் படமாக்கப்பட்டது. பின்னர் ஒரு சில காரணங்களால் சிம்பு அந்த படத்தில் விலகியதை அடுத்து ஜீவா இந்த படத்தில் இணைந்தார்.
இந்த நிலையில் சமீபத்தில் கேவி ஆனந்துக்கு இரங்கல் அறிக்கை வெளியிட்ட சிம்பு, ‘கோ’ படத்தை மிஸ் செய்தது தனக்கு வருத்தமானது என்றும் ஆனால் கண்டிப்பாக விரைவில் அவருடன் பணிபுரிந்த திட்டமிட்டிருந்தேன் என்றும் ஆனால் அவர் மறைந்துவிட்டார் என்றும் தெரிவித்திருந்தார்.
இந்த நிலையில் ‘கோ’ படத்தில் சிம்பு பணியாற்றிய போது எடுக்கப்பட்ட புகைப்படங்கள் தற்போது இணையதளங்களில் வைரலாகி வருகிறது.
