ரீ-ரிலீஸில் கில்லியிடம் தோற்றுப்போன மங்காத்தா... பாக்ஸ் ஆபிஸ் ஆட்டம் ஓவர் - ஒட்டுமொத்த வசூலே இவ்வளவுதானா?

இந்திய சினிமாவில் சமீபகால மறு வெளியீடு ஒரு புதிய டிரெண்டாக உள்ளது. வெளியான காலத்தை விட, மீண்டும் திரையரங்குகளுக்கு வரும்போது அதிக வரவேற்பு கிடைக்கிறது. அந்த வரிசையில் அஜித் குமார் நடித்த மங்காத்தா படமும் மீண்டும் திரையரங்குகளுக்கு வந்துள்ளது. மறு வெளியீட்டின் முதல் நாளில், விஜய்யின் கில்லியைப் பின்னுக்குத் தள்ளி, தமிழ்நாட்டில் மட்டும் மங்காத்தா ரூ.3.75 கோடி வசூலித்தது. விஜய் நடித்த கில்லி ரூ.3.50 கோடி வசூலித்திருந்தது.இந்தியாவில் இருந்து மங்காத்தா ரூ.4.1 கோடியும் வசூலித்தது. கில்லி ரூ.4 கோடி வசூலித்திருந்தது. இதற்கு முன்பு வரை, மறு வெளியீட்டில் அதிக முதல் நாள் வசூல் செய்த தமிழ்ப் படம் கில்லி தான்.அந்த சாதனையை அஜித் இப்போது தன் வசப்படுத்தியுள்ளார். ஆனால், வார இறுதி வசூலைக் கணக்கிடும்போது, கில்லிக்குப் பின்னால் இரண்டாவது இடத்தில் மங்காத்தா உள்ளது. தமிழ்நாட்டில் இருந்து மட்டும் முதல் வாரத்தில் மங்காத்தா ரூ.14.8 கோடி வசூலித்தது. கில்லி முதல் வாரத்தில் ரூ.25 கோடி வசூலித்திருந்தது. மறு வெளியீட்டில் 10 நாட்கள் கடந்த நிலையில், மங்காத்தா மொத்தமாக ரூ.15.65 கோடி மட்டுமே வசூலித்துள்ளது.