ஓம் இசை வெளியீட்டு விழா எப்போது தெரியுமா?. தனுஷின் பேச்சுக்கு வெறித்தனமான வெயிட்டிங்

சென்னை: தனுஷ் நடிப்பில் ராஜ்குமார் பெரியசாமி இயக்கத்தில் உருவாகியிருக்கும் திரைப்படம் ஓம். கடந்த மாதமே ரிலீஸாவதாக இருந்தது. ஆனால் ஜெயிலர் 2 காரணமாக தள்ளி போனது. அதனையடுத்து தீபாவளிக்கும் வராமல் சீன் படத்துக்கு வழி விட்டு நவம்பர் 20ஆம் தேதி ரிலீஸாகிறது. இந்நிலையில் அதன் ஆடியோ வெளியீட்டு விழா குறித்த அறிவிப்பு வந்திருக்கிறது.

ராஜ்குமார் பெரியசாமியும், தனுஷும் முதன்முறையாக சேர்ந்திருக்கும் படம் ஓம். இதில் மம்மூட்டி, சாய் பல்லவி உள்ளிட்டோரும் நடிக்கிறார்கள். இதில் முக்கியமான ரோலை ஏற்றிருக்கும் மூன்று பேருமே இந்திய அளவில் சிறந்த நடிகர்கள் என்று பெயர் எடுத்தவர். அதுவும் மம்மூட்டி ரொம்ப நாட்கள் கழித்து தமிழில் ஒரு ரகளையான கேரக்டரை ஏற்றிருக்கிறார் என தெரிகிறது. அவர் குறித்த கேரக்டர் அறிமுக வீடியோவும் அனைவரிடமும் ட்ரெண்டானது.

எப்போது ரிலீஸ்?: படமானது கடந்த மாதமே ரிலீஸ் என்று முதலில் அறிவிப்பு வந்தது. ஆனால் தனுஷின் முன்னாள் மாமனார் ரஜினிகாந்த்தின் ஜெயிலர் 2 வந்தது. அதனால் அந்த தேதியிலிருந்து பின் வாங்கி; தீபாவளிக்கு ரிலீஸ் செய்யும் பிளானை செய்தார்கள். ஆனால் தனுஷைவிட சீனியரான சூர்யாவின் சீன் வருவதால் அந்த தேதியிலும் ரிலீஸ் செய்யவில்லை. தனக்காக ரிலீஸை தள்ளி வைத்த தனுஷுக்கு சூர்யா சீன் பட ட்ரெய்லர் வெளியீட்டு விழாவில் நன்றி தெரிவித்தது குறிப்பிடத்தக்கது. ஒருவழியாக இத்தனை மாறுதல்களுக்கு பிறகு நவம்பர் 20ஆம் தேதி படம் ரிலீஸாகிறது.

ஹிட்டாகுமா?: இந்தப் படத்தின் உச்சக்கட்ட எதிர்பார்ப்பு எழுந்திருக்கிறது. முக்கியமாக தனுஷுக்கு இது அவசியமான வெற்றியை கொடுக்க வேண்டும். ஏனெனில் இதற்கு முன் அவர் நடித்த கர, இட்லி கடை, தேரே இஷ்க் மெய்ன் என பல படங்கள் அப்படி ஒன்றும் பெரிய வெற்றியை பெறவில்லை. இட்லி கடை படம் வசூலில் ஓகே என்றாலும் விமர்சன ரீதியாக பலரும் கழுவி ஊற்றினார்கள். ஓம் அப்படி எதுவும் இருக்காது என்று எதிர்பார்க்கலாம். இதற்கு முன்னர் ராஜ்குமார் இயக்கிய அமரன் கொடுத்த ரிசல்ட்டால் தனுஷ் ரசிகர்கள் நம்பிக்கை அடைந்திருக்கிறார்கள்.

இசை வெளியீட்டு விழா: சூழல் இப்படி இருக்க படத்தின் ரிலீஸ் தேதி நெருங்கி விட்டதால் அதன் ப்ரோமோஷன் பணிகளும் சூடு பிடித்திருக்கின்றன. அந்தவகையில் இதன் இசை வெளியீட்டு விழா நவம்பர் ஆறாம் தேதி சென்னையில் இருக்கும் சாய்ரா பொறியியல் கல்லூரியில் நடக்கும் என்று அறிவிக்கப்பட்டுள்ளது. இதனால் தனுஷின் ரசிகர்கள் உற்சாகமடைந்திருக்கிறார்கள்.

வெறித்தனமான வெயிட்டிங்: தனுஷ் அரசியலுக்கு வரும் சூழல் கனிந்திருக்கிறது. அவரும் தனது ரசிகர்கள், ரசிகைகளை நேரில் அழைத்து சந்தித்துவருகிறார். மேலும் அனைத்து தொகுதிகளிலும் ஏசி டியூசன்களையும் தனது நற்பணி இயக்கத்தின் மூலம் செய்ய வைத்திருக்கிறார். எனவே இந்த இசை வெளியீட்டு விழாவில் அவரது பேச்சு கண்டிப்பாக மறைமுகமாக பல விஷயங்களை உணர்த்தும் என அடித்து சொல்கிறார்கள் திரைத்துறையினர்.