பாக்ஸ் ஆபிஸ்: 5 நாட்களில் சர்தார் 2 திரைப்படம் உலகளவில் செய்துள்ள வசூல்..

இயக்குநர் பி.எஸ். மித்ரன் இயக்கத்தில் கார்த்தி நடிப்பில் உருவாகி வெளியான சர்தார் 2 திரைப்படத்தின் 5 நாட்கள் வசூல் குறித்த தகவல் வெளியாகியுள்ளது.

சர்தார் 2

தண்ணீரால் மக்களுக்கு ஏற்படப்போகும் மிகப்பெரிய பிரச்சனை குறித்து பேசிய திரைப்படம் சர்தார். இப்படத்தின் வெற்றியை தொடர்ந்து சர்தார் 2 ரசிகர்களால் பெரிதும் எதிர்பார்க்கப்பட்டது. இதனால் மீண்டும் இயக்குநர் பி.எஸ். மித்ரன் - நடிகர் கார்த்தி கூட்டணி அமைந்தது.

பிரம்மாண்ட பொருட்செலவில் உருவான சர்தார் 2 திரைப்படத்தில் கார்த்தியுடன் இணைந்து எஸ்.ஜே. சூர்யா, மாளவிகா மோகனன், ஆஷிகா ரங்கநாத், யோகி பாபு, ரஜிஷா விஜயன் ஆகியோர் நடித்துள்ளனர். சாம் சி.எஸ் இசையமைத்துள்ளார். கடந்த வாரம் திரைக்கு வந்த சர்தார் 2 திரைப்படம் கலவையான விமர்சனங்களை ரசிகர்களிடம் பெற்றது. இதனால் பாக்ஸ் ஆபிஸில் சற்று சரிவை சந்தித்துள்ளது.

வசூல்

இந்த நிலையில், பாக்ஸ் ஆபிஸில் 5 நாட்களை கடந்துள்ள சர்தார் 2 திரைப்படம் உலகளவில் எவ்வளவு வசூல் செய்துள்ளது என்பது குறித்த தகவல் வெளியாகியுள்ளது. அதன்படி, இப்படம் உலகளவில் இதுவரை ரூ. 17.5 கோடி வசூல் செய்துள்ளது.