அர்ஜுன் தாஸ் – சஞ்சனா நடிப்பில் வெளியான ‘John Doe’ திரைப்படம் எப்படி? முழு திரை விமர்சனம் இதோ!
அர்ஜுன் தாஸ், சஞ்சனா நடராஜன் உள்ளிட்டோர் நடிப்பில் மதுமிதா இயக்கத்தில் கிரைம் திரில்லர் திரைப்படமாக வெளியாகியுள்ளது John Doe.
சிறுவயதில் தந்தையின் கொடுமைகளைச் சந்தித்து வளர்ந்த அர்ஜுன் தாஸ், பின்னர் பொலிஸ் அதிகாரியாகிறார். பணியில் கவனக்குறைவாக இருக்கும் அவர், ஒரு கார் விபத்தில் சிறுவன் ஒருவன் உயிரிழக்கும் சம்பவத்தை எதிர்கொள்கிறார்.
இதற்கிடையில், துபாயிலிருந்து தமிழகம் வந்து குடியேறிய குடும்பத்தைச் சேர்ந்த சிறுமி ஒருவர் திடீரென காணாமல் போகிறார். அவரைத் தேடும் முயற்சியில் சஞ்சனா நடராஜன் இறங்குகிறார்.
ஆரம்பத்தில் சாதாரணமாகத் தோன்றும் இந்த வழக்கு, அடுத்தடுத்து பல மர்மங்களையும் அதிர்ச்சிகளையும் வெளிப்படுத்துகிறது. குறிப்பாக இடைவேளைக் காட்சியில் வரும் திருப்பம் ரசிகர்களின் கவனத்தை ஈர்க்கிறது.
அர்ஜுன் தாஸ் மற்றும் சஞ்சனா நடராஜன் இருவரும் தங்களது கதாபாத்திரங்களில் சிறப்பாக நடித்துள்ளனர். படத்தின் இசை மற்றும் ஒளிப்பதிவும் பாராட்டத்தக்க வகையில் அமைந்துள்ளன.
இருப்பினும், இரண்டாம் பாதியில் எதிர்பார்த்த அளவுக்கு பரபரப்பு இல்லாததும், கிளைமாக்ஸ் திருப்பத்தில் பெரிய அதிர்ச்சி இல்லாததும் படத்தின் பலவீனங்களாகக் குறிப்பிடப்படுகின்றன.
மொத்தத்தில், மெதுவாக நகரும் ஒரு கிரைம் திரில்லர் திரைப்படமாக John Doe அமைந்துள்ளது. ஒருமுறை பார்க்கலாம் என்கிறது படக்குழுவின் திரை விமர்சனம்.
