பாக்ஸ் ஆபிஸில் பட்டையை கிளப்பும் லெனின்.. முதல் மாபெரும் ஹிட் கொடுத்த நடிகர் அகில்
லெனின்
தெலுங்கு திரையுலகில் இருந்து கடந்த 10-ஆம் தேதி வெளியான திரைப்படம் லெனின். இப்படத்தில் நாகர்ஜுனாவின் மகனும் பிரபல நடிகருமான அகில் கதாநாயகனாக நடித்துள்ளார். இவருக்கு ஜோடியாக பாக்கியஸ்ரீ போர்ஸ் நடித்திருந்தார்.
இப்படத்தை முரளி கிஷோர் இயக்கியுள்ளார்; பிரமோத் பஞ்சு, ஈஸ்வரி ராவ், ராம்கி உள்ளிட்ட பலரும் நடித்திருந்தனர். தமன் இப்படத்திற்கு இசையமைத்துள்ளார்.
வசூல்
லெனின் திரைப்படம் வெளிவந்து இரண்டு நாட்கள் ஆகியுள்ள நிலையில், ரசிகர்களிடையே அமோக வரவேற்பு கிடைத்து வருகிறது. ரசிகர்கள் அனைவரும் திரையரங்குகளில் இப்படத்தை கொண்டாடி வருகின்றனர்.
இந்த நிலையில், பாக்ஸ் ஆபிஸில் இப்படம் இரண்டு நாட்களில் உலகளவில் ரூ. 37 கோடி வசூல் செய்துள்ளது என தகவல் வெளியாகியுள்ளது. இதன் மூலம் நடிகர் அகில் தனது திரை வாழ்க்கையில் முதல் மாபெரும் ஹிட் திரைப்படத்தை கொடுத்துள்ளார்.
