தமிழ்நாடு பாக்ஸ் ஆபிஸ்: டிசி திரைப்படம் 4 நாட்களில் செய்துள்ள வசூல் விவரம்
கடந்த வாரம் வெளிவந்த டிசி திரைப்படத்தின் 4 நாட்கள் வசூல் குறித்த விவரம் வெளியாகியுள்ளது; அதைப்பற்றி பார்க்கலாம் வாங்க.
டிசி
இயக்குநராக பல சூப்பர்ஹிட் திரைப்படங்களை கொடுத்த லோகேஷ் கனகராஜ், ஹீரோவாக அறிமுகமாகியுள்ள திரைப்படம் டிசி. இப்படத்தை இயக்குநர் அருண் மாதேஸ்வரன் இயக்க, சன் பிக்சர்ஸ் நிறுவனம் தயாரித்துள்ளது.
இப்படத்தில் லோகேஷுடன் இணைந்து வாமிகா கேபி, சஞ்சனா ஆகியோர் நடித்துள்ளனர். பெரிதும் எதிர்பார்ப்புடன் வெளிவந்த டிசி திரைப்படம் விமர்சன ரீதியாகவும் வசூல் ரீதியாகவும் அமோக வரவேற்பை பெற்று வருகிறது.
தமிழ்நாடு வசூல்
தமிழில் வெளிவரும் திரைப்படங்கள் வெளிமாநிலங்களில் எவ்வளவு வசூல் செய்கிறது என்பது எவ்வளவு முக்கியமோ, அதே போல் தமிழ்நாட்டில் எவ்வளவு வசூலிக்கிறது என்பதும் மிகமுக்கியமாகும்.
அப்படி, கடந்த வாரம் வெளிவந்த டிசி திரைப்படம் 4 நாட்களில் தமிழ்நாட்டில் எவ்வளவு வசூல் செய்துள்ளது என்பது குறித்த தகவல் வெளியாகியுள்ளது. அதன்படி, 4 நாட்களில் தமிழ்நாட்டில் மட்டுமே இப்படம் ரூ. 8 கோடிக்கும் மேல் வசூலித்துள்ளது. இனி வரும் நாட்களில் எவ்வளவு வசூல் செய்கிறது என்பதை பொறுத்திருந்து பார்ப்போம்.
